Meritokrasia
Meritokrasia
Meritokrasia: the right person on the right place
Kòrsou ta partisipá riba diferente tereno den tòp di mundu: beisbòl, futbòl, tènis, músika i arte. Kiko ta e sekreto? E mihó coach di selekshon di futbol ta aliniá e mihó hungadónan. E mihó hungadónan no tur ora mester ta amigu di coach pero nan ta atletanan ku a demonstrá den kompetensia ku nan ta talento mundial.
Kompetensia ta importante
KSD ke pa Kòrsou tambe bira kampeon mundial riba tereno di desaroyo ekonómiko duradero. Nos ke logra esaki dor di aliniá talento ku ya téi presente den tur gremio di nos populashon. Tur puesto haltu lo keda yená a base di resultado di kompetensia di kandidatonan kompetente. Esaki ta konta pa:
• Miembronan di Staten
• Ministernan
• Funshonarionan públiko na puesto haltu
• Puestonan haltu di N.V. i fundashonnan di gobièrnu
• Puestonan haltu den industria i komèrsio
• Puestonan haltu den organisashonnan no gubernamental
• Athudikashon i destaho
Enseñansa
KSD ta kere den meritokrasia ku tin komo base derechi igual den enseñansa. Nivel di enseñansa i instrumentonan nesesario na disposishon mester ta igual pa tur mucha.
Pa logra esaki nos mester kultivá,dor di entre otro enseñanza, talentonan ku e aktitut (mindset) korekto. Filosofía di nos enseñansa mester ta krea siudadanonan mundial emprendedó. Den enseñansa mester rekompensá e mihó alumnonan, studiantenan, dosentenan i instansianan. No únikamente diploma lo hunga un ròl durante rekutashon i selekshon, pero tambe kompetensianan ku kada kandidato ta posedé. Personanan ku sifra haltu i komptensianan rekerí lo bin na remarke promé pa un bùrs of un trabou.
Puntonan di lansa pa enseñansa
• Introdusí “one lap per child”. Esaki lo ta un variante riba “bring you own divice.”
• Introdusí Ingles komo idioma di komunikashon (vehíkulo)
• Introdusí étika i filosofía riba tur nivel di enseñansa.
• Graba i pone disponibel TUR lès di e mihó dosentenan riba YouTube. Bo tin mester di beiles? Bo ta bai riba YouTube. Si esei no yuda, bo por haña beiles. Dosentenan ku ta funshoná riba un nivel inferior tambe por bai Youtube pa haña “upgrading”
• Hasi tempu di skol mas largu. Despues di 2’or no nesesariamente ta sigui den klas. E intenshon sigur no ta pa alargá orario di trabou di dosentenan sino pa otro personal drenta skol! Bentaha: kupo di trabou kreá dor di akohida despues di 1’or. Desbentaha: menos krèsh i sentro di akohida pa mucha.
• Kuminsa ku un hardin di skol na kada skol.
• Tur skol ta haña un bibliotek i ta stimulá lesamentu.
• Sinta na mesa ku Tur ta konta, Green kids, Naschoolse opvang i mira si por ehekutá e proyektonan aki na tur skol.
KSD ta konsiderá kuminsá un akademia di gobernashon. E mihó graduadonan ta bini na remarke pa puestonan haltu. Esaki siguiendo e modèl Franses i Nederlandse School van Openbaar Bestuur (NSOB) (Skol hulandes di maneho públiko).