Bira Boluntario
Rònt mundu mas i mas boluntarionan i organisashonnan síviko ta yuda determiná kalidat di bida den komunidatnan. Gobièrnunan so no por tur kos. Muchanan ku mester di yudansa ku tarea di skol, òf no tin hende pa wak nan dor ku mayornan ta na trabou, hendenan grandi ku mester di yudansa ku trabou di kas, kasnan den mal kondishon ku mester drecha, barionan ku mester wòrds limpiá, asina tin hopi ehèmpel kaminda boluntarionan por nifiká un diferensia grandi pa esnan den nesesidat.
Kòrsou Solidario i Duradero ta ofresé su wèpsait na tur siudadano ku ke traha trabou boluntario, pa registrá komo boluntario.
Banda di esei bishitantenan di nos wèpsait por uza nos wèpsait komo plataforma pa lansa un sugerensia i risibí reakshon konstruktivo di bishitantenan di nos wèpsait. E sugerensia por ta un idea kreativo ku ta yuda solushoná un problema importante den nos komunidat. E sugerensia por ta tambe un proposishon pa un proyekto ku ta definí kiko mester logra ku e proyekto, kon, rekursonan i tempu pa ehekutá e proyekto.
Bishitantenan di nos wèpsait di otro banda ta keda kordialmente invitá pa duna nan reakshon konstruktivo riba ideanan i proyektonan ku keda lansá riba nos wèpsait.
Registrá bo mes aki
Nos boluntarionan
Rònt mundu boluntarionan ta hunga kada día un papel mas importante