Ekonomía
Ekonomía Diversifiká
Curacao, e 'living lab of the world'. Esaki ta nos úniko unique 'selling proposition'. KSD tin komo meta un desaroyo duradero na Kòrsou. Esei ta nifiká un desaroyo balansá di Planet, People & Profit. Aktualmente nos no tin un ekonomía duradero. E no ta den balàns paso e enfoke ta demasiado riba proft, a kosto di un desaroyo mas inklusivo, den forma di mas kupo di trabou i mihó salario (people), i hopi hende no ta wòri ku ekología (planet). Pero kosnan ta kambiando. Por nota por ehempel ku mas i mas hende ta hanña ku e polushon ku e refinería ta kousa no por kontinua.
Kambio di paradigma
Ya ta 20 aña kaba ku e ekonomía di Kòrsou ta stagná. Tin diferente faktor ku ta kousa esaki. (Wak nos parágrafonan den gobernashon ekselente i meritokrasia) Nos ekonomía ta drai riba sektornan bjew manera refinería, DOK, turismo i offshore. E strategía ta basá riba solushonnan pa rebibá e sektornan aki. Pero algun di e sektornan aki no tin bida mas den e forma ku nan ta awe. Internashonlamente e polushon ku Isla ta kousa no ta wòrdu akseptá mas. Futuro di DOK i di e haf ta insigur. Aktualmente tin un maneho severo pa ku paraísonan fiskal, sigur despwes di e lèkmentu di e 'supuesto' "Panama Papers".
Turismo ta keda vulnerabel. No ta kla kiko ta bai pasa awó ku Cuba a habri su portanan bèk.
Unda tin oportunidat pa nos?
Kiko lo por hasi? Kòrsou mester bira inovativo, manera nos tabata antes, i desaroyá sektornan nobo.
Nos opoortunidatnan ta den area di:
- Experience economy, eko-turismo, wellness tourism (inclusief healthcare tourism), por pensa riba marine industry, jazz festival, konstrukshon di hospital nobo ets.
- E industría di pelíkula tambe ta un sector nobo ku lo mester wòrdu eksplorá. Un ehèmpel ta un international Film festival.
- Transnational education. Atrae universidatnan pa bin establesé nan mes aki.
- ICT, por pensa riba entronam di data i tur loke tin di haber ku esaki.
- Ekonomía di deporte, un bon ehèmpel ta nos hungadónan di béisbòl i otronan den top manera Churandy Martina i Jean Julien Rojer.
- Energía alternativo, solo, bientu i laman.
- Research lab. Sentronan di research internashonal por uza Kòrsou komo laboratorio pa proyektonan di research.
- Space port i Research & Development.
- Logistical hub.
- Agrikultura moderno, pa asina nos mes por proveé mas tantu posibel den nos nesesidatnan, konforme lukual ta pasa mundialmente i pa spar devisas.
MKB ta prioridat
MKB ta prioridat. Kada persona sin trabou mester por start un kompanía di su mes. Un plataforma digital lo sostené e personanan pa por hasi esaki, un plataforma digital den kua e por regla tur kos. Esaki ta un parti esensial di e maneho ku lo hiba pa disminuí desempleo hubenil. Relashoná ku esaki lo pone incubators disponibel.
Henter nos ekonomía lo mester basa su mes riba ekspòrt di produkto i servisionan pa asina por generá devisas. Banda di esei nos ekonomía lo ta menos dirigí riba konsumo.